Gwasanaethau API
Mae gan y Porth Technolegau Iaith ganolfan gwasanaethau APIs sydd yn darparu amrywiaeth o wasanaethau technoleg iaith ar-lein.
Darparir y gwasanaethau fel rhyngwyneb rhaglennu (neu ‘API’) sy’n hawdd i’w ddefnyddio o fewn eich meddalwedd a phrojectau Cymraeg a dwyieithog. Mae API yn rhyngwyneb hwylus sy’n rhoi mynediad at gydran meddalwedd sydd yn darparu swyddogaethau penodol. Gellir defnyddio un neu gyfres o APIs i adeiliadu system meddalwedd mwy cymhleth.
Rhyngwyneb API
————————————————————
————————————————————-
————————————————————-
Cyfarwyddiadau cofrestru
————————————————————
————————————————————-
————————————————————-
Beth sydd ar gael?
Mae darpariaeth API y Porth Technolegau Iaith yn gweithio ar-lein ac yn eich cysylltu chi fel defnyddiwr gyda’n gweinyddion ni yma yn yr Uned Technolegau Iaith.
Yn y modd yma, gallwch ddefnyddio gwasanaethau fyddai fel arfer yn gofyn am lawer iawn o bŵer cyfrifiadurol, neu a fyddai yn anodd eu gosod a’u ffurfweddu at anghenion gwahanol systemau a dyfeisiau. Oherwydd hyn, mae modd i chi ddefnyddio amrywiaeth eang o galedwedd i gael mynediad at ein gwasanaethau, boed yn dabledi, ffonau symudol, gliniaduron a chyfrifiaduron bwrdd gwaith.
Cysill ar-lein
Caniatáu i ddatblygwyr ymgorffori nodweddion gwirio sillafu a gramadeg Cymraeg Cysill o fewn eu meddalwedd.
API Lamateiddiwr
Caniatáu i ddefnyddwyr dderbyn lema unrhyw air sydd wedi’i dreiglo, rhedeg neu’i ffurfdroi.
API Adnabod iaith
Caniatáu i chi adnabod iaith testun allan o restr o 48 iaith (sy’n cynnwys Cymraeg a Saesneg).
Tagiwr rhan ymadrodd
Caniatáu i fewnbynnu unrhyw ddarn o destun Cymraeg a derbyn dadansoddiad manwl o bob rhan ymadrodd.
API Testun-i-Leferydd
Caniatáu i chi ddefnyddio llais synthetig Cymraeg o fewn eich meddalwedd, apiau a gwefannau.
Oes mwy...?
————————————————————-
————————————————————-
————————————————————-